01.12.2015
Liabe Leit!
Hobs es scho a schens Geschenk für di Mama, an Papa, di Oma, an Opa, di Freindin oder an Freind??? Fian Chef, di Chefin, Nochban und Kollegn??? Briada, Schwestan, Onkel und Tanten??
NA, HOBS NU NIT????
Jo donn! Schauts eini in Happy Hoagascht SHOP. Do gibs CDs, Buttons, Bickal, T-Shirts und auf Anfrage sogor a Konzertl!! Passt super ins Christkindl ia Sackei eini (oder a aufn Weihnachtsmann sein Schlittn)!!!
PS: Als kloans Schmankerl gibs unter BÜDLN a boa nette Fotos von unsam ersten Bandausflug! Es woa wia da junge Pinzgauer heitzutog so sche sog „gewoitig“!!
24.07.2015
Ob iatz zan hom! Insa neus Album „Domois im 11er Jao“ bei uns im SHOP sowie bei Kozertl und bei uns direkt.
07.07.2015
Do gibs nimma fü zan song - ab 24.07.2015 im Happy Hoagascht Shop, bei FLori, Ludwig, Mucki oder Flo oder bei unsere Konzertl zan kaffn. Gfreits eich drauf!!!
26.02.2015
Neue hoasse Nochrichten aus da Hoagascht Eckn. Am 21. und 22.03.2015 suach ma unsan Lieblingstontechniker Peda Neubauer in Nurach auf um a neus grandioses Album aufznemma. Seids gsponnt.
Für eu dias kam mehr erwarten kennan. Unser 1. Gig in dem Joah am 28.03.2015 im Achterl in Schwarzach. Schauts vorbei!!!
13.01.2015
Schauts euch an unser Interview bei „Hoamat Heros“ von Miriam Kreiseder. Dort gibs di hoassestn Fakten zu Happy Hoagascht und di Hofa Buam:
Hoamat Heros - Happy Hoagascht
24.12.2014
Liabste Hoagascht Freind und Freindinnen. Mia verabschieden uns boid vom Johr 2014 (a muasts a tolls Johr gwesn) und mechtn eich olle schene Weihnachten und a schens, ausgiebiges Silvesterfestl wünschen.
Mia sand scho dabei, wieder a boa nette Konzertl fias 15er Johr zan organisieren wos donn a einige neie, eingängige und vor allem pinzgarische Liadl zan hean gib. Mia werdn a wieda unsa Lieblingsstudio in Nurach aufsuachn und a neie Plottn mochn.
Oisdonn, mochts es guad. Eure Happys!!!
07.10.2014
Liebe People, endlich ist es soweit. Unser erstes offizielles Musikvideo ist fertig. Genießt die wundervollen Klänge und Bilder zu unserem einzigartigen Song "Schmus ma moi"!!!
29.09.2014
Liebe Hoagascht und Hoagascht Losa, Gönerinnen und Fans. Mia homb a guade und a schlechte Nochricht. Zerscht di guade.
De Wochn kimb unsa erstes Musivideo ins Netz. Seids gsponnt!!!
Iatz di Schlechte:
Unsa Gig am 10.10.2014 in da Kunsthure in Graz is aus Behördengründen abgesagt bzw. muas des Lokal schließen. Für den Tog suachn mia a Ersatzlocation, a Ersatzkonzert, mia mochn a a Privatkonzert auf Anfrage und zwoa im Raum zwischen Wien und Salzburg. Wenns wos wissts oder Lust auf a Privatkonzert hobs, möds eich. Keine Gage, nur freiwillige Spende + Unterkunft und Essen un Trinken!!
Eure Happys
09.09.2014
Fia a unser Mini Tour von 9. - 11. Oktober suachn ma folgendes:
An Chauffeur inkl. Bus fia 4 Bandmitglieda, oan Roadie und oa Marketenderin + Equipment. Essen und Trinken sand frei, Sprit übernimmt di Band. Übernachten in diversen WG‘s...wenn wer Lust hod, oafoch melden (bitte nur Männer).
Am Freitag den 12.09.2014 spü ma in Kaprun beim Guggnbichl im Zuge des Käse-Festivals...ab 19:30 Uhr. Kasnockn gibs a!!!
28.07.2014
NEWS NEWS NEWS NEWS - HAPPY HOAGASCHT BEIM MUSIKANTENSTADL!!!!!
...so, jetzt wo ma sämtliche online Aufmerksamkeit homb - na, mia spünd natürlich nit dort. Owa es dauert nimma long und ma ku unsam Gsangl- und Gspüwerch am Freitag den 05.09.2014 um 20:00 Uhr in da Aula von da neuen Mittelschule in Moashofen zualosn. Genauere Infos findets do:
Fia olle di iatz scho wissn das hi woind - bei uns gibs die Karte zum Spezialpreis von 14 Euro scho vorab - also oafoch EMail oder Anruf und des Ticket werd reserviert und an da Abendkasse is donn um den Preis zan obhoin.
Und weil mia uns nit mit oan Auftritt am Wochenende zfriedn gebn, gehts am Samstag 06.09 gleich weida noch Tamsweg zum „Eachtling and more“ Festival.
Mia gfreind uns. Es hoffentlich a!!
03.07.2014
Liebe Leser auf unsara Homepage. Bei unsam letzten Auftritt im Early Bird in Innsbruck woa di Hölle los - di Leid sand bis zur Tür gstondn und es woa a Mojo in da Luft, dass nur so duscht hot. Auf You Tube finds a boa Live Mitschnitte von unsam Auftritt - schauts eine:
Happy Hoagascht und di Hofa Buam - Live im Early Bird in Innsbruck
Wers kaum mea erwoatn ku, ins live zum sechn - im Herbst gibs wieda a boa grandiose Locations wo mia zan findn sei werden. Mehr dazua unter Konzertl.
An schen hoassn und liebevollen Summa wünschen Happy und di Buam
30.05.2014
Happy Friends und Friendinnen. Unas Gig in Waidring beim Wolfgang Ambros sein Oasal woa phänomenal und ultra lässig. Mia homb zwoa neie Liada zum ersten moi gspüd, wobei oas davo vermutlich da neue Innagebirgs Sommahit wird. Seids gsponnt drauf. Zum nochlesn a in da Bezirkszeitung Kitzbühel wo mas sogor auf di Titelseitn gschofft homb.
Unsa Auftritt in Viehhofen woa feuchtfreulich und gedankenraubend gleichzeitgig. Danke an die Eisschützen für di Einladung. Es woa a neue Erfahrung.
Soweit so guad. Boid gibs uns a zum sechn im heiligen Lond Tirol. Als pockts enchane Pilgerschuach aus und kembs am Samstag den 14. Juni ins Early Bird in Innsbruck. Es werds entzückt sein.
22.04.2014
Liabe Leit. Stü woas iatz amoi auf unsara Seitn. Owa boid gehts wieda los und des naxte moi ku ma ins hean im OASAL in Waidring. Niemand geringerer als die Legende Wolfgang Ambros leitet diese kloane Kleinkunstbühne am Fuße des heiligen Landes Tirol (von Osten aus gsechn).
25.02.2014
Liebe Hoagascht Freind und Freindinnnen im Oberpinzgau:
Am Freitag, 07.03.2014 kemma auffi noch Neukirchen ins Cinetheatro. Start um 20:00 Uhr. Dos werd bärig.
18.02.2014
Neueste Neuigkeiten aus dem Hoagascht Heim: Dieses Wochenende, also am Somstog 22.02.2014 start ma mit unserm ersten Konzert im 14 er Joah und zwoa im Kunsthaus Nexus in Soifön. Nit nua oida Numman, na, mia homb a brandheiße neue Liadl dabei, dia eich sicha gfoin werdn.
Gfreits eich auf Songs wia über di begehrteste Modemarke unserer Gegenwart, üwa di gewoitige Ähnlichkeit von Tier und Mensch und di absolute Aufdeckung der tatsächlichen Herkunft aller Mitglieder von Happy H. und di Hofa Buam. Fia weitere Gigs schauts eini bei unsare Konzertl.
Grazie!
28.01.2014
Im Zuge unserer Mini Tour im Oktober is des wundervolle Video von unsam Liadl „Pofesn“ entstanden.
Herzlichen Dank an die liabn Leit von Little Brown Couch aus Graz und fü Spass beim ulosn.
31.12.2013
Liabe Leitl, Happy Hoagascht Losa, Gönner und Fans. Des Joah 2013 woa jo da Owahammer. Jeds Konzertl woa a gonz a spezielles mit super Publikum und a höhmens Gaudi. Mia hoffn, das ma im 14er Joah a wieda so a Freid homb, fü neie Leit kenna lerna und nu mea Menschen mit insara Musi begeistern kennnan. Voller Hingabe wünsch ma olle dia des lesn, a bsundas guads neus Joah, fü Liebe und kembs amoi za an Konzert fa ins. Viele Bussis - Happy Hoagascht und di Hofa Buam
16.11.2013
Sodala, des Happy Hoagascht Joah is boid umma. Mia homb supa Konzertl gspüt und an Haufn Gaudi kob und an Haufn nette Leid kennaglernt. Hoffentlich gehts 2014 a wieda so guad weida (oda sogor bessa).
Also, mia homb nu fü Termine fia naxts Joah frei. Möds eich oafoch, egal ob Hochzeit, Scheidung, Kulturveranstaltung, Geburtstag, Bar Mitzwa, Festival oda wos eich sunst nu eifoid. Mia gfreind uns!!!
Es gib neus Merchandise unter Shop und an Haufn neue Fotos unter Büdln. Bis boid.
Happy und die Buam
07.10.2013
Oktoba Infos: Am Donnerstag 10.10.2013 startet unsa Mini Tour durch Österreich. 4 Pinzga in Wean und Graz frei nochm Motto „Alltag raus, Pinzgau rein“. Und am Schluss nu a Konzertl in da Hoamat und zwoa in Zell am See.
Am 9.10.2013 werscht auf Radio Soizburg um 20:00 Uhr die heurige Niedernsiller Stund übertrogn. Losst eini, es gib a wos von Happy Hoagascht zan hean.
09.09.2013
Sodala! Happy Hoagascht und di Hofa Buam sand zruck aus da Sommerpause. Voll motiviert und guad gelaunt start ma di Wochn mit an super Konzertl auf da Burg Kaprun. Weitere folgn und sand zan nochlesn unter „Konzertl“. Kembs vorbei. Juchee.
15.07.2013
Liebe Freunde des Hoagaschts. Nit nua di Schüler und Lehrer, Studenten und Pensionisten homb iatz Sommerferien, na, a mia von Happy Hoagascht und di Hofa Buam mochn im Juli und August amoi a Konzertpause. Um wieda neue kreative Ideen zan sammeln, foa ma in fremde Länder, bleimb owa a dahoam (wei dahoam is dahoam). Mia sechn uns wieda im Herest bzw. scho im September wieda bei unsam naxten Auftritt in Kaprun beim Käsefestival. Bis dahin wünsch ma an schen Summa und a a boa schene Tog. Pfiat ench dawei.
04.07.2013
Diesen Samstag, Happy Hoagascht und di Hofa Buam bei die Goldegger Blues und Folk Tage. Beginn um 18:00 Uhr. Schauts vorbei!!!
05.06.2013
Noch a boa coole gigs in di letzten Wochn gehts des Wochenende noch Schwarzach ins „Dart Ort“. Schauts vorbei. Plakat by Stefano Paradiso...und des Plakatl von letzter Woche...
06.05.2013
Neuer Merch und zwoa do - SHOP - unbedingt hoin!!!
24.04.2013
ACHTUNG ACHTUNG: Liabe Leit. Am 4.5.2013 spü ma unser erstes Konzert im Johr 2013 und zwor in Hopfgarten im Brixental - in da „Salvena“ - Beginn is um 20:00 Uhr
Infos dazu:
...und dort gibs donn a unsa neus Merchandise vulgo Fanartikel - Überraschung!!!!
24.03.2013
...unsa beitrag von der Sendung „Fotzhobel“ vom 20.01.2013 auf Radio Salzburg - Ulosn, fia oi dias nit kheat homb...
26.02.2013
So, liawe Hoagascht Losa und Losarinnen. Mia homb einige neue Konzerte in da reissn, schauts amoi eichi, amend spü ma in enchara nachnd...
13.01.2013
Kurze Info: Vorab zum eitrogn in Kalender. Am Sonntag 20.01.2013 um 20:00 Uhr wird auf Radio Salzburg bei der Sendung „Fotzhobel“ unser neus Album präsentiert. Unbedingt losn! Link zur Sendung
...und zum Live Stream...
31.12.2012
Liabe Leit, Happy Hoagascht Losa, Gönner und Fans. Es is wieda a Joa umma. Und ma ku definitiv behaupten, dass a guads woa. Iatz kimb wieda oas. A neus. Und zu dem mecht ma vorab sogn, dass a wieda a guads weascht. Voller Innbrunst wünsch ma olle dia des lesn, a bsundas guads neus Joa, fü Liebe und kembs amoi za an Konzert fa ins. Viele Bussis - Happy Hoagascht und di Hofa Buam
20.11.2012
Es is soweit - unser neus ALBUM - HAPPY HOAGASCHT UND DI HOFA BUAM - DA KREITAHEX IA TOCHTA is ob heute offiziell erhältlich...nit beim Media Markt, nid bei Donauland und a nit beim Libro...owa dafür bei unserem Online - SHOP per EMail oder direkt bei Stefano, Ludwig, Floggi oder Muggi. Also liabe Leid, deits nit zlong woatn, sist gibs koa mea...
13.11.2012
Am 08.11.2012 gab es einen interessanten Event in Soizburg City - Red Bull Gstanzl Battle 2012 im Urbankeller - und mit dabei: Mr. Happy Hoagascht Stefano (desmoi als Gstanzler). Noch am Anruf von di Organisatoren von dem Stierschneiden, mit der Frage ob da Herr Happy do mitdoa mecht, hod a woi jo gsog. Trotz mangelnden Gstanzl Kenntnissen sowie auch Erfahrungen hod as überraschenderweis bis ins Finale gschofft. Mehr dazu auf da Red Bull Homepage, in da Salzburger Nachrichten sowie unter „Büdln“ auf dera Seitn. Am Donnerstag 15.11.2012 um 19:45 gibts auf Sevus TV eine Zusammenfassung - unbedingt eichischaun!!!
01.11.2012
Liabe Buam und Mözn - mia homb News, dia hoassa sand als hoas. Unser neus Album, auf des di Menschheit scho seit Jahrtausenden woat, is kurz vorm fertig werden. Es werd si nua mea um 2 bis 3 wochen hondln, bis des edle Teil endlich erhältlich is. Als Vorgeschmack scho des Coverbüdl zum Album - „Happy Hoagascht und di Hofa Buam - da Kreitahex ia Tochta“
05.09.2012
Nochdem die hoiwe Band den Sommer in diversen Ländern östlich und westlich von Estereich verbrocht hod, gehts jetzt wieda rund. Neue Gigs gibts unter „Konzertl“ zu findn und am Album wird fleissig gorweitet. Neue Songs sand gschriebn und woatn nua mea aufs fertigstön...holymoly
24.06.2012
...ois kleiner Vorgeschmack für unser Album, wos im Herest 2012 aussakimb, unser Studio-Trailer zu di Aufnahmen im Woodway Studio in St. Ulrich am Pillersee. Hoho!!
10.06.2012
Liabe Homepageleser- und innen, mia homb grandiose Nochrichtn. Am 2. Juni dieses Jahres woan mia im Woodway Studio in St. Ulrich am Pillersee und homb dort mitn Peter Neubauer unser Album aufgnumma. Die Gestaltung des kompletten Artworks erfolgt in Zusammenarebit mit die Kinder der Volksschule Viehhofen. Erscheinen werds wahrscheinlich irgendwonn im Herbst und genauere Infos inkl. Studiotrailer folgen.
Und am 7. Juni homma zum 2. moi beim Mundart Gsong, ebenfalls in Nurach, gwunga. Heyho!!
oana von unsere Siegersongs:
Kamera: Dallas Bertl
14.03.2012
Zeit is woan fia a boa Neuigkeiten aus der heiteren Happy Hoagascht Ecke. Es gibt brandneue heiße News, dia wia foigt ausschaund:
Termin fias Studio is fixiert. Anfang Juni 2012 stürmen mia‘s Woodway Studio in Nurach am Pillersse um do unsa Album aufznemma. Jawoi!
In unsam Shop gibs ob jetzt wos neis zum erwerben, nämlich 4 ultracoole Aufkleber bzw. Bickal dia auf koana Klotür fehlen deafn - schau her, schau her, schauer her...
Auch bei di Konzerte geht oft sche longsom wos weida:
am 23. und 24. März gehts Richtung Westen, nämlich noch Vorarlberg. Gemeinsam mit die Pinzgauer Mundartdichter Gerlinde Allmayer und Max Faistauer. Erster Abend in Koblach, da zweite in Bregenzerwald.
am 28. März spün ma im Lohninghof in Thumersbach bei einem Info- bzw. Diskussionsabend zum Thema „Jugendschutz bei Festen“ bzw. „Jugenkultur“ im Pinzgau.
Brisante Themen wie „Jugendliche und Bierzeltfeste - wie sehr beeinflußen Andi Gabalier und Co. den Alkohlkonsum von Jugendlichen“ bzw. „Bierzötraffn - Imponiergehabe oder Aufmerksamkeitsdefizit“ werdn dort behandelt. Jo und mia spün hoid...
pfiat ench dawei
31.12.2011
...liabe Leit und Hoagascht Zuahörer bzw. Leser auf dera Seitn. Wieda a Johr vorbei - jo mei...mia wünschn an recht sakrischen Rutsch ins 12er Johr und losst ench nit auf nicht ausführbare Neujahrsvorsätze ein. Bleibs wias seids und mochts des beste draus, mia dands a.
Irgendwonn im neien Johr werds Studio aufgsuacht fia a brandneue Scheibn. Yes!
16.12.2011
...sodala, ob heid geht unsa Homepage online und mia werdn ob iatz imma sämtliche News do postn damits am laufenden bleibs (Konzerte, Beziehungsstatus diverser Bandmitglieder, Lieblingskochrezepte und so weida).
Als kloans Schmankerl gibs nu die mp3 Datei vom Song „A heiwei fi di Keiwei“ - Livemitschnitt von ORF Radio Salzburg bei da „Niedernsiller Stund“ in Niedernsill. Yes!
